fbpx

Драги: Нема опасност за стабилноста на еврозоната

-

Претседателот на Европската централна банка (ЕЦБ), Марио Драги, денеска изјави дека во моментот не постои опасност од финансиска нестабилност на еврозоната, која би можела да произлезе од ниските каматни стапки што се на сила во блокот на единствената валута.

– Свесен сум дека многумина од вас го следат потенцијалниот ефект од ниските каматни стапки по финансиската стабилност. Дозволете ми да истакнам дека ние будно ги следиме опасностите за финансиската стабилност, но во овој момент не воочуваме нивна појава – рече Драги во обраќањето пред комитетот за економски и за монетарни прашања на Европскиот парламент во Брисел.

Драги напомена дека и на ЕБЦ ѝ е потребно дополнително време за да процени дали е потребно зголемување на актуелната програма за откуп на обврзници од земјите-членки во вредност од 1.000 милијарди евра.

– Програмата за откуп на актива има доволна флексибилност. Ние се прилагодуваме на обемот и на траењето во случај да бидат потребни нови монетарни поттици – рече Драги.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...