Времето утринава е облачно со повремен дожд во поголемиот дел од земјата. Врнежи утрово немаше на крајниот исток, но и таму се очекуваат. Слаб променлив ветер има на повисоките места и во Демир Капија.
Во текот на денот ќе биде претежно облачно со врнежи од дожд, поинтензивни на западот. Ќе дува слаб до умерен југоисточен ветер. Максималните температури ќе се движат од 5 до 13 Целзиусови степени, вели прогнозата на Управата за хидрометеоролошки работи (УХМР).
Во Скопје ќе биде облачно со повремен дожд. Ќе дува слаб до умерен југоисточен ветер. Температурата ќе достигне до 9 Целзиусови степени.
Под влијание на потопол влажен бран, и утре ќе биде облачно со врнежи претежно од дожд. Од четврток се очекува стабилизација на временската состојба.