Жителите на Химара, град во Југозападна Албанија, минатата недела протестираа против намерата да им се урнат куќите за да се изгради булевар.
Протестите ги поддржа и грчкото министерство за надворешни работи, кое преку декларација побараа албанските власти да се консултират со сопствениците на куќи пред тие да се урнат.
Во декларацијата се вели дека „заштитата на правата на сопственост, особено на правата на малцинствата, се важни критериуми од петте услови поставени од ЕУ, за почеток на преговори со Албанија за членство во Унијата“.
Албанските власти одговорија дека грчкото МНР има цел „да ги наруши одличните односи меѓу албанската популација и грчкото малцинство, кои се третираат како еднакви и ги имаат сите права“.
Албанскиот премиер Еди Рама отиде подлабоко со реакцијата и на својот профил на „Фејсбук“, стави карта од Атина од 1670 година, посочувајќи наводни албански корени на главниот град на Грција.
