fbpx

Димовски: Амнестијата не е услов за избор на членови на ДИК

-

Амнестијата не е услов за избор на членови на Државната изборна комисија и идејата на лидерот на ВМРО-ДПМНЕ, Христијан Мицкоски, не е поврзана со ДИК, рече пратеникот и претседател на собраниската Комисија за избори и именувања, Илија Димовски.

Тој ги повика партиите да ги утврдат кандидатите за ДИК за да се исполнат условите за одржување на најавениот референдум за крајот на септември или почетокот на октомври.

– Комплицирана е постапката. Без усогласеност на партиите и да ја почнеме целата постапка во Комисијата за избори и за именувања, таа е осудена на пропаст. И да бидам заобиколен во постапката, пак не може да се донесе одлука бидејќи во Комисијата власта нема мнозинство. Плус за избор на ДИК треба двотретинско мнозинство, постапката се комплицира – рече Димовски на денешната прес-конференција во Собранието.

Димовски вели дека и тој и претседателот Талат Џафери се спремни веднаш да ја завршат постапката за ДИК ако партиите ги достават утврдените предлози.

Лидерот на ВМРО-ДПМНЕ, Христијан Мицкоски во говорот на протестниот марш во Струмица во неделата побара амнестија за осудените и обвинетите за нападот во Собранието на 27 април минатата година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...