fbpx

ДИК почна со дистрибуција на изборниот материјал, ливчињата ги печати „Полиестердеј“

-

Државната изборна комисија денеска почна со дистрибуција на доверливиот изборен материјал до општинските изборни комисии за претстојните локални избори закажани за недела, 15 октомври.

Гласачките ливчиња ги печатеше печатницата „Полиестердеј“ .

Потпретседателот на ДИК, Реџеп Прекопуца, изјави дека дистрибуцијата се одвива според планираното и дека досега процесот тече како што треба.

– Претходно до сите општински изборни комисии (ОИК) го распределивме и недоверливиот гласачки материјал. Тука сме заедно со сопственикот на претпријатието кое првпат ги испечати гласачките ливчиња и можам да кажам дека ние сме задоволни – изјави Прекопуца.

Сопственикот на печатница „Полиестердеј“, Филип Спасовски, рече дека печатењето на изборниот материјал претставувало интересен проект во кој биле вклучени сите 170 вработени во компанијата. Тој се заблагодари на ДИК за укажаната доверба.

Шестите локални избори во Македонија ќе се спроведуваат на 3.480 избирачки места во 80 општини и во Градот Скопје. Кампањата за првиот изборен круг ќе заврши утре на полноќ.

Вториот круг од изборите е закажан две недели подоцна, на 29 октомври. Изборната кампања за вториот круг завршува на полноќ на 27 октомври.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...