fbpx

ДИК: Избирачкиот список на јавен увид од утре, не се внесени 11.346 граѓани

-

Избирачкиот список од утре ќе биде ставен на јавен увид и во него има запишано 1.816.127 гласачи, а не се внесени 11.346 граѓани, беше соопштено на денешната седница на Државната изборна комисија (ДИК) на која се разгледуваше извештајот за утврдување на состојбата со избирачкиот список за негово ставање на јавен увид за одржување на локалните избори на 15 октомври.

Најголемиот број од лицата кои не се внесени во списокот немаат живеалишта (7.107 ), дел се избришани од подрачните одделенија по основ на смрт, нераспределени има 1.418 лица, на 672 им е регистрирано поништено живеалиште итн.

„Јавниот увид започнува утре и сите граѓани кои што сметаат дека треба да бидат запишани, а не се во избирачкиот список, со важечка лична карта или патна исправа треба да отидат до нашите подрачни одделенија и да поднесат документи со кои може да се запишат“, изјави членот на ДИК од ВМРО-ДПМНЕ, Силвана Бонева.

Членот на ДИК од СДСМ, Виолета Дума рече дека презентираните бројки не се конечни. Од ДИК велат дека по целокупното завршување на целата постапка за јавниот увид, тогаш веќе ќе се добијат точните податоци кои ќе бидат основ за формирање на избирачкиот список

Увидот во избирачкиот список ќе трае до 9 септември, а треба да биде заклучен на 24 септември.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...