fbpx

ДИК денеска ќе одлучува по приговорите на СДСМ и на Беса

-

Државната изборна комисија (ДИК) денеска со почеток во 11 часот ќе ја одржи јавната седница на која Комисијата ќе ги разгледува и ќе одлучува по приговорите што се однесуваат на текот на гласањето на предвремените парламентарни избори кои се одржаа на 11 декември.

„Државната изборна комисија ве известува дека во големата сала на ДИК (централа во Скопје, 4 кат), ќе се одржи јавна седница денеска, четврток, 15 декември, со почеток во 11 часот. Единствена точка на дневен ред ќе биде разгледувањето и одлучувањето по приговорите поднесени од подносителите на листи на кандидати за пратеници во Собранието, а кои се однесуваат на постапката за гласање и на постапката за сумирање и за утврдување на резултатите“, стои во соопштението на ДИК.

Крајниот рок до кога Државната изборна комисија треба да одлучи по приговорите истекува денеска во 19 часот, односно 48 часа по крајниот рок за прием на приговорите, кој истече завчера во 19 часот.

До Државната изборна комисија поднесени се вкупно 16 приговори, по осум од СДСМ и од Беса.

Приговорите на Беса, како што соопштија од ДИК, се однесуваат на општините Арачиново, Тетово, Гази Баба и Липково, а приговорите на СДСМ, според портпаролот на партијата, Петре Шилегов, се однесуваат на избирачки места во шестата изборна единица.

Од ВМРО-ДПМНЕ вчера соопштија дека „внимателно и одблиску, со крајна сериозност и загриженост ја следат работата на Државната изборна комисија“ за одлучување по „апсурдните приговори од страна на СДСМ и на Беса“. Оттаму апелираа до ДИК „да не подлегнува на никакви притисоци и да не влегува во сценарија за постизборен инженеринг“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...