Поранешниот американски претседател, нобеловецот, Џим Картер кој минатата недела објави дека има рак денеска одржа прес-конференција на која прецизираше дека има меланом на мозокот на четири места.
Тој соопшти дека ракот се проширил по целото тело и оти денеска ќе почне третмани на зрачење. На третмани против ракот ќе оди на секои три недели, а дијагнозата е воспоставена пред операцијата на црниот дроб.
Исто така, објави дека со операција му е отстранета една десеттина од црниот дроб. Поради здравствените проблеми, нема да може да си ја врши својата работа во центарот „Картер“.
Картер изјави дека „изненадувачки лесно“ ја прифатил болеста и оти „сега е се во рацете на Господ“.
– Спремен сум на сè и спремен сум за оваа авантура – рече со насмевка на лицето 90-годишниот Џими Картер, кој должноста претседател на САД ја извршувал од 1977 до 1981 година.
Нобеловата награда за мир ја доби во 2002 година.