fbpx

Џафери – Петерсон: ОБСЕ/ОДИХР ќе го набљудува спроведувањето на референдумот

-

Претседателот на Собранието, Талат Џафери се сретна со шефот на набљудувачката мисија на ОБСЕ/ОДИХР за референдумот, амбасадорот Јан Петерсен.

Џафери изразил задоволство што ОБСЕ/ОДИХР одлучиле да испратат Мисија за набљудување на референдумот на 30 септември и оцениле дека следењето на спроведувањето на референдумот од страна на оваа организација е од исклучителна важност за поттикнување на довербата во референдумскиот процес.

„Тој нагласи дека во Македонија високо се цени улогата на ОБСЕ/ОДИХР, а голем дел од препораките од претходните извештаи се вклучени во Изборниот законик. Информираше за улогата на Собранието, како овластен предлагач на референдумот и носител на јавната пропаганда, како и за претстојните собраниски активности во пресрет на референдумот“, се вели во соопштението од кабинетот на претседателот на Собранието.

Амбасадорот Петерсен нагласил дека ОБСЕ/ОДИХР ќе го набљудува целиот процес на спроведување на референдумот, почнувајќи од јавната пропаганда, нејзиното финансирање и медиумското покривање.

Тој информираше дека тим од 13 експерти, 20 долгорочни набљудувачи и околу 250 краткорочни набљудувачи ќе го следи референдумот и ќе оценува дали истиот се одвива во демократска атмосфера и во целосна согласност со заложбите на ОБСЕ и другите меѓународни обврски и стандарди, како и со националното законодавство.

„Нагласувајќи го искуството на ОБСЕ/ОДИХР, која досега набљудувала 17 изборни процеси и еден референдум во земјава, амбасадорот Петерсен нагласи дека Набљудувачката мисија за референдумот во целост ќе ја зачува својата непристрасност во процесот на набљудување“, се додава во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...