Сончево и топло време, со слаб до умерен северен ветер ќе преовладува во Македонија денеска. Температурата ќе биде за два-три степени повисока од вчерашната. УВ-индексот ќе биде 9.
Максималната дневна температура ќе се движи од 25 Целзиусови степени на крајниот планински запад на земјава, преку 29 степени на крајниот исток, 30 степени во Охридско-струшкиот Регион до 31 степен на крајниот североисток.
Во Пелагонија живата во термометрите ќе се искачи најмногу до 32 степени, додека во Скопје до 34 степени, еден степен повисоко во Повардарието и 36 степени во Гевгелиско-дојранскиот Регион.
Следува период на претежно сончево и топло време. За време на викендот во попладневните часови ќе има извесно зголемување на облачноста со услови за краткотраен дожд и ретки грмежи, особено в недела. Дневната температура ќе биде во постепен пораст.
