fbpx

Денеска се одбележува Денот на рибарите

-

Денеска напладне во Охрид, во месноста Сараиште на Охридско Езеро, ќе се одбележи Денот на рибарите.

Денот на рибарите традиционално се организира по повод празникот Свети Јован Крстител, а покрај другото, претставува ритуално капење во ладните езерски води – за здравје, среќа и за бериќет.

За присутните ќе се служи и вино и топла ракија, додека за традиционалната „повеќетонска“ рибна чорба се задолжени да ја поготват учениците од средното угостителско училиште „Ванчо Питошески“.

Годинава ќе се дели и македонскиот специјалитет – пача, која ќе ја подготват студентите од Факултетот за туризам и угостителство од Охрид.

Тимовите за логистика на Црвен крст од Охрид дел од рибната чорба ќе однесат во семејствата со социјален ризик во Охрид, како и на лица со хендикеп и на стари лица кои не се во можност да присуствуваат на овој атрактивен настан.

За да биде сè според охридската традиција, охридската група „Билјана јуниор“ ќе го исполни просторот со звуците на староградскиот фолклор.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...