Денеска во Вевчани почнува главното дефиле на маски. Се очекува низ главната улица во Вевчани да продефилираат повеќе маски, инспирирани од разни случувања во општествено-политичкиот живот во земјата, но и пошироко.
Светски познатата телевизиска куќа „Би-Би-Си“ ќе сними документарец за оваа оригинална манифестација што ги отсликува старите традиции на Вевчанци.
Манифестацијата ќе ја посети и министерката за култура, Елизабета Канческа-Милевска, која претходно во центарот на Вевчани, заедно со градоначалникот Цветомир Угриновски, ќе го пушти во употреба монтажниот објект наменет за продажба на сувенири и друг вид културно-туристички промотивен материјал.
