Претставниците на Демократската партија на САД подготвиле план за смена на американскиот претседател Доналд Трамп, јавува „Раша тудеј“.
По состанокот на демократите со инвеститорите на Флорида е изработен план. Документот кој го подготвил Дејвид Брок, содржи план за отстранување на Трамп од власта. Авторите на иницијативата се сигурни дека импичментот ќе може да биде изведен до 2020 година.
Тие оценуваат дека главно оружје им се грешките на сегашниот американски лидер. Планирано е да се оформи тим кој ќе го следи секој чекор на новата администрација, да го следи секој однос на претседателот со неговите колеги од странство.
Главна задача на демократите е борбата против наводните дезинформации на конзервативните медиуми кои се против Трамп. Притоа, демократите планираат да соработуваат со социјалната мрежа „Фејсбук“ за лажните вести да не се шират во државата.
