fbpx

Данкан до Димитров: Сакаме да ја видиме Македонија просперитетна и успешна

-

Сакаме да ја видиме Македонија просперитетна и успешна, му порача британскиот министер за Европа, Алан Данкан, на шефот на македонската дипломатија, Никола Димитров, по потпишувањето на заедничката изјава за партнерство и за соработка меѓу Република Македонија и Обединетото Кралство на Велика Британија и Северна Ирска.

„Нашите две земји се посветени да работат билатерално и мултилатерално за да се исполни оваа визија и да се справиме со предизвиците со кои заеднички се соочуваме“, стои во заедничката изјава за партнерство и за соработка меѓу Република Македонија и Обединетото Кралство.

Димитров изразил задоволство што Велика Британија е подготвена да даде конкретна поддршка на реформските процеси на Македонија.

– Ова партнерство е еднакво корисно за двете земји – за Македонија е инспирација што зад неа стои една од најстарите демократии, а за Велика Британија потврда за нивниот несебичен ангажман за зацврстување на демократијата – рече Димитров.

На средбата, како што соопштуваат од македонското МНР, била потврдена британската поддршка за евроатлантските интеграции на Македонија и било истакнато дека Обединетото Кралство останува силно присутно во регионот на Западен Балкан и поддржувач на членството на земјите од регионот во ЕУ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...