fbpx

Дачиќ: Харадинај е тест за Европа

-

Министерот за надворешни работи на Србија, Ивица Дачиќ, денеска изјави дека случајот со некогашниот командант на ОВК, Рамуш Харадинај, кој во Франција беше уапсен по српската потерница за воени злосторства, е тест за Европа.

– Ако политичките одлуки се поважни од тоа дали некој е воен злосторник или не, се поставува прашањето дали казнувањето воени злосторници е цел за која Европа се залага или тоа го применува само за Србите – рече Дачиќ за време на посетата на Здружението на семејствата на киднапираните и на убиените Срби на Косово.

Според зборовите на Дачиќ, Србија никогаш не ја оспорувала потребата сите што сториле воени злосторства, без разлика на нивната националност, да одговараат, но смета дека само Србите се прогласуваат за одговорни, додека „злосторствата против Србите се речиси оправдани“.

– Фактот дека нема осудени Албанци пред Хашкиот трибунал и дека се побиени сведоците против албанските терористи, како и дека разни земји не ги почитуваат потерниците, говори за тоа дека и понатаму постојат двојни стандарди и дека се легализира правото некој да убива Срби – оцени Дачиќ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...