fbpx

Дачиќ ги повика ЕУ, САД и Британија да реагираат на изјавите за „голема Албанија“

-

Министерот за надворешни работи на Србија, Ивица Дачиќ, денеска изјави дека Европската Унија, САД и Велика Британија ќе бидат директно одговорни за последиците доколку не реагираат на последните изјави на албански политичари за соединување на Албанија, Косово и на три општини од југот на Србија, јавува дописникот на „Мета“ од Белград.

Во реакција на изјавата на претседателот на општината Бујановац, Јонуз Муслиу, дека унијата на Албанија и на Косово „би била бесмислена без Прешевската Долина и без Медвеѓа, Бујановац и Прешево“, која денеска ја пренесуваат српските медиуми, повикувајќи се на агенцијата „Прешева јон“, Дачиќ рече дека албанските политичари стануваат „главна закана за мирот и за стабилноста на Балканот и на Европа“.

– Координираните изјави на Рама, Тачи и на Муслиу покажуваат дека „голема Албанија“ е цел на сите Албанци. Денеска Муслиу на тоа го додаде Ниш, утре ќе го додаде Скопје, Улцин, Епир. Ќе кажат ли нешто ЕУ, САД и Велика Британја за ова? Ако не го направат тоа и овојпат, кога „голема Албанија“ ќе стигне до Ниш, ќе бидат директно одговорни за последниците – изјави Дачиќ.

Претседателот на Косово, Хашим Тачи, вчера изјави дека доколку ЕУ ја „затвори вратата“ за Косово, „сите Албанци во регионот ќе живеат во една единствена држава за да може да се продолжи со интеграцијата во европското семејство“. Еден ден претходно, премиерот на Албанија, Еди Рама, изјави дека не ја исклучува можност од унија на Косово и на Албанија доколку биде запрена интеграцијата на Западен Балкан во ЕУ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...