fbpx

Бушати: Се надеваме дека нема да дојде до етничка криза во Македонија

-

Министерот за надворешни работи на Албанија, Дитмир Бушати, во емисијата „Топ стори“ на албанската телевизија „Топ ченел“, изјави дека, за среќа, ситуацијата во Македонија не резултирала во внатрешно-етничка криза, јавувата дописничката на „Мета“ од Тирана.

– Ние ја поддржавме платформата на албанскиот политички фактор во Македонија како напор за имплементација на неспроведениот Охридски рамковен договор, за отворање на евроатлантскиот пат на Македонија и за создавање подобра клима со нејзините соседи. Корените на кризата се политички и демократски. Засега не можеме да зборуваме за внатрешно-етничка криза и се надеваме дека нема да дојде до тоа ниво – рече Бушати.

Шефот на албанската дипломатија истакна дека кризата ги разобличила лидерот на ВМРО-ДПМНЕ, Никола Груевски, и претседателот на државата, Ѓорге Иванов, како противници на албанскиот јазик и третманот на Албанците како сезонски работници во својата земја.

Тој додаде дека платформата на албанските партии била искористена како алиби од ВМРО-ДПМНЕ и од претседателот на државата.

– Албанските партии имаа разговори со ВМРО-ДПМНЕ и со СДСМ. Платформата беше прифатена од ВМРО-ДПМНЕ, но не беше постигнат договор поради позициите поврзани со Специјалното јавно обвинителство и продолжувањето на неговиот мандат – рече Бушати.

Министерот за надворешни работи на Албанија додаде дека немало упатства од меѓународните партнери до албанските партии да формираат коалиција со СДСМ. Според него, дури и со ваква коалиција, за целосна реализација на платформата на албанските партии ќе биде потребно разбирање и согласност од сите партии од македонскиот блок.

– Голем дел од прашањата во платформата не можат да бидат постигнати доколку за тоа нема разбирање од македонскиот фактор. Во дел од случаите, потребни се уставни промени, поради што е потребно двотретинско мнозинство, кое новата коалиција го нема – рече Бушати.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...