!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Брисел не ја коментира платформата на албанските партии


       
Брисел, 9 јануари, 2017 - 14:26 (META) 

Европската комисија засега не ја коментира содржината на заедничката платформа на албанските партии во Македонија, ДУИ, Беса и Алијанса за Албанците.

На новинарско прашање како ја коментираат платформата, портпаролката на Европската комисија, Маја Коцијанчич, изјави дека Брисел внимателно го следи развојот на настаните во земјата.

– Тоа што во моментов можам да го кажам е дека одблизу ја следиме ситуацијата и, како што и претходно рековме, очекуваме брзо формирање на влада во рамки на уставните рокови, односно нова стабилна влада. Но, мора да видиме и итно спроведување на реформи кои ќе се однесуваат на владеењето на правото, како и спроведување на реформските приоритети и продолжена имплементација на претходните политички договори. Во овој контекст, ние ќе продолжиме да ја поддржуваме земјата во нејзиниот европски интеграциски процес. Тоа е сè што можам да кажам во моментов – истакна Коцијанчич на денешната прес-конференција во Брисел.