fbpx

Брглез: По Црна Гора, време е Македонија да влезе во НАТО

-

Фокусот од Црна Гора го префрламе на Македонија, сега е време Република Македонија да влезе во НАТО, порачал претседателот на словенечкиот парлемент, Милан Брглез, на средбата со премиерот Зоран Заев.

„Ви честитам за сè што постигнавте по политичката криза и за успешните позитивни промени што се случуваат во државата, во односите со соседите и на меѓународен план. Добро е да се види некој со визија, кој сака и може да ги движи процесите напред“, рекол Брглез, стои во соопштението на владината прес-служба.

Заев на средбата се заблагодарил на пријателската и конструктивна поддршка и го информирал претседателот на Државниот збор на Словенија за спроведувањето на реформите од планот „3-6-9“.

– Го заокружуваме успешно првиот дел од реформскиот план „3-6-9“. Владата и институциите, во соработка со граѓанското општество и со пријателите на Македонија од ЕУ и од НАТО, работат посветено за да осигураат квалитетен живот на граѓаните и заедно со добрососедската и регионална соработка да ги реализираат стратешките евроатлантски цели – рекол Заев.

Премиерот ги повикал словенечките бизнисмени да се охрабрат и да инвестираат во Македонија, бидејќи има заедничка согласност за интензивирање на економската соработка меѓу двете земји.

Брглез, кој денеска е во посета на земјава, имаше средба и со вицепремиерот за европски прашања, Бујар Османи.

– Република Македонија се наоѓа во еден специфичен момент на откочување на евроинтегративните процеси и поддршката која доаѓа од нашите пријатели во Унијата е од исклучително големо значење – истакнал Османи на средбата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...