Во експлозија за која се верува дека ја извел бомбаш самоубиец на Исламска држава, на улица во градот Ал-Рај на северот од Сирија, ранети се 12 лица, поголемиот дел од нив деца.
Ова го потврдија локални безбедносни и болнички извори.
Градот Ал-Рај се наоѓа два километри јужно од турската погранична покраина Килс, област која ја контролираат сириските бунтовници, кои ги поддржува Турција.
Градот од рацете на Исламска држава е преземен со операцијата „Штит Еуфрат“, која Анкара ја поведе во август оваа година.