Струмичанец стар 54 години доби кривична пријава од СВР Струмица бидејќи не пријавил приход од блогирање во износ од 33.712 евра, односно не платил персонален данок за тие пари, извести СВР Струмица.
Пријавениот се товари за даночно затајување, за приходи од 2.073.315 денари остварени во 2015 година, кои ги добил од странство преку сервис за брз трансфер на пари. Не пријавувајќи ги во годишната даночна пријава која се поднесува во УЈП и не плаќајќи персонален данок за нив, според полицијата, го оштетил буџетот на Република Македонија за 207.331 денари.