fbpx

Битолскиот градоначалник Талески ќе снима филм за 12 години владеење

-

Битолскиот градоначалник Владимир Талески со пари на граѓаните ќе снима документарен филм за успесите од неговото владеење. Според намерите, филмот треба да биде слика за „Развојот на Битола 2005 – 2017 година“.

Идејата на Талески ќе го чини општинскиот буџет 508.474,58 денари, односно околу 8.200 евра без данок на додадена вредност (ДДВ).

Во проектната задача стои дека „со зголемувањето на бројот на реализирани проекти во општина Битола, извршена е значителна промена на ликот на општината, во споредба со периодот пред 2005 година“, како и тоа дека документарниот филм, треба да ги исполнува и „начелата на отчетност и на транспарентност“.

Веста за фимот на Талески предизвика бурна реакција во јавноста, особено кај опозицијата.

– За снимање филм на Талески не му се потребни пари, она што тој го направи во изминатаите 12 години е празна слика, во која има сè, вклучувајќи и криминал, само развој и напредок не. Ме интересира дали во филмот е предвиден делот каде тој е „главен лик“ во истрагата на СЈО – реагира советничката Габриела Илиевска од ВМРО-НП.

Во проектот уште пишува дека Општина Битола поседува филм од ваков вид за периодот од 2005 до 2012 година, но истиот е работен со застарена технологија и не го опфаќа периодот од 12 години, кој претставува предмет на новата задача.

Портапаролката на Општина Битола, Наташа Ташкова, денеска не одговори на нашите повици да каже каде може јавноста да го види првиот документарец за владеењето на Талески.

Талески е под истрага на Специјалното јавно обвинителство во случајот „Транспортер“ за криминал тежок 360.000 евра со бесплатниот школски превоз.

Тој лани летото, три месеци беше во куќен притвор. Заедно со него е осомничен и секретарот на Општината, Слободан Бончановски, и уште десетина директори на училишта и превозници инволвирани во случајот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...