fbpx

Битолчани гледаат шанса за вработување и во неформалното образование

-

Триесет и пет  битолчани на возраст од 18 до 26 години ќе собираат искуства и знаења во првата школа за лидерство и за јавни политики во „Политеа“ – Битола. Младите се надеваат дека на овој начин ќе имаат нови можности во потрага по работа. Дваесет и петгодишната Магдалена Шамбевска има диплома за инженер по информациски  системи, но се надева дека неформалното образование ќе ѝ овозможи нови познанаства и, можеби, шанса да си отвори сопствен бизнис.

– Ваквиот начин на образование треба да биде дел од секојдевното живеење. Тука се стекнуваат нови искуства, нови познанства коишто можат да ни користат. Постои можност за отворање и за вмрежување на нови бизниси – вели Шамбевска.

Една година помладиот Васил Бурлијовски е магистер по фармација, а сепак ќе ја посетува школата надевајќи се дека така полесно ќе си обезбеди егзистенција.

– Невработен сум и покрај фармацијата сакам да ја посетувам оваа школа за лидерство и за јавни политики, верувам дека ќе ми послужи понатаму во животот – вели Бурлијовски.

Преку теорија и практика, учесниците во школата ќе ги продлабочуваат своите знаења за Европска Унија, човековите права во 21 век, маркетингот, особено  интернет-маркетинг, а исто така ќе учат и вештини за јавно говорење и за лобирање.

– Имаме тим на млади ентузијасти со коишто ќе работиме, ќе разговараме за јавни политики и теми што ги засегаат нив, но и пошироката јавност. Овде младите ќе имаат форум за дебата и дискусија, изнаоѓање на алтернативи или решенија за  некои политики – смета Маријан Степановски, еден од предавачите, додавајќи дека оваа школа е прв пример за неформално образование на локално ново.

Школата за лидерство и за јавни политики „Политеа“ ќе се реализира  до април следната година.

А.Б.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...