Група уметници вчера поставија биста на Едвард Сноуден во паркот во Бруклин во Њујорк, но властите веднаш ја прекриле бистата со сина кеса за да ја сокријат од очите на јавноста.
Денеска бистата е отстранета, како и натписот „Сноуден“ на постаменот на кој бил поставена во паркот Форт грин.
→ http://t.co/fYUT8yCNSN Guerrilla artists install Edward Snowden sculpture in Brooklyn park #EdwardSnowden 889 pic.twitter.com/6DWWGH84s8
— Jennifer (@brownjenjen) April 7, 2015
Некои туристи и жители на Њујорк, сепак, се фотографирале пред постаментот.
Бистата од гипс, тешка околу 40 килограми, била поставена пред зора на споменикот „Призон шип Мартирс моњумент“, споменик посветен на 11.500 американски воени заробеници кои починале во заробеништво на британските бродови во војната за независноста (1775-1783).
Somebody put up this lovely statue of #EdwardSnowden in Brooklyn park but the police removed it! pic.twitter.com/GDitGsgWDd
— InCapital24 (@InCapitol24) April 6, 2015
Непознатите уметници за порталот „Мешабл“ изјавиле дека ова место е намерно избрано за Сноуден да се смети во „историскиот континуитет кој почнал од почетокот на оваа земја“, а „се темели на идеалите за слобода, дека владата не може да ги затвора и контролира“.
Триесет и едногодишниот Сноуден е американски информатичар, поранешен вработен во американската национална агенција за безбедност НСА, кој во 2013 годинс откри неколку американски програми за масовно следење. Тој е обвинет за шпионажа и засега живее во егзил во Русија.
