This page was exported from Meta.mk [ http://meta.mk ]
Export date: Mon Jun 18 15:34:27 2018 / +0000 GMT

БЕСА: Ќе раководиме со Министерството за култура, името допрва ќе го соопштиме




Движењето БЕСА односно крилото на Африм Гаши потврди дека ќе стане дел од владината коалиција и дека го добила ресорот култура во новиот владин кабинет.

По состанокот на Централното претседателство на Движењето БЕСА и Централното собрание беше соопштено дека е позитивно одговорено на понудата на премиерот да станат дел од парламентарното мнозинство и на извршната власт.

Името на идниот министер за култура не е соопштено, а од БЕСА појаснија дека Централното собрание го овластило Централното претседателство да направи избор од листата предлози од партиските структури.

Зекирија Ибрахими, кандидат за градоначалник на Чаир на последните локални избори вчера рече дека не сака да ја преземе министерската функција.

Post date: 2018-05-16 11:01:11
Post date GMT: 2018-05-16 09:01:11
Post modified date: 2018-05-16 11:01:11
Post modified date GMT: 2018-05-16 09:01:11

Powered by [ Universal Post Manager ] plugin. MS Word saving format developed by gVectors Team www.gVectors.com