fbpx

Белгија ќе ни помогне ако се поправи состојбата во медиумите и во судството

-

Македонија, земја во криза, се надева на мала помош од Белгија, пишува денеска белгиската информативна агенција „Белга“, по посетата на шефот на белгиската дипломатија Дидие Рејндерс.

„Белга“ информира за политичката криза во државата, потсетувајќи дека власта и опозицијата „комуницираат само преку јавни обвинувања, чија сериозност не само што ги урива институциите на државата, туку ја загрижи и самата Европска унија“.

Агенцијата во веста потсетува дека лидерот на опозицијата е обвинет за шпионажа и за обид за државен удар. Исто така, во текстот се наведува дека опозицијата, од своја страна, го обвини премиерот дека прислушувал 20.000 луѓе, но и оти зел 20 милиони евра мито за изградбата на автопати.

Белгиските новинари пишуваат дека македонскиот министер за надворешни работи, Никола Попоски, се пожалил оти ситуацијата не давала добар имиџ на државата, но додал дека „смета на Белгија“ за помош.

Дидие Рејндерс побарал од македонската влада јасен сигнал и аргументи со кои би можел да ги убеди неговите европски колеги да прифатат почеток на преговори за Македонија, а тоа подразбира, меѓу другото, напредок во слободата на медиумите и на независноста на судството.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...