Амбасадорот на Соединетите Американски Држави во Македонија, Џес Бејли, ги повика сите граѓани со право на глас, особено младите, да излезат и да гласаат на претседателските избори во САД и на предвремените парламентарни избори во земјава, закажани за 11 декември.
Бејли ваквата порака ја испрати за време на вчерашната посета на Универзитетот „Св. Климент Охридски“ во Битола, каде разговараше со студентите за изборите во САД.
„Во разговор со студентите од Универзитетот „Св. Климент Охридски“ во Битола вчера, истакнав дека е потребно секој да учествува и да гласа, особено младите луѓе, на изборите во САД и во Македонија“, твитна денеска Бејли.
Talking #USElections yesterday with students, faculty at Sveti Kliment Ohridski University in #Bitola. 1/2 pic.twitter.com/JC5XCuJHOc
— U.S. Ambassador to North Macedonia (@AmbBaily) October 18, 2016
Emphasized need for everyone to participate + vote, esp young people, in U.S. and #Macedonia elections. 2/2 pic.twitter.com/XQJlpuO2a9
— U.S. Ambassador to North Macedonia (@AmbBaily) October 18, 2016
Пратениците вчера со 110 гласови „за“ и ниту еден против го изгласаа распуштањето на Собранието, а денеска претседателот на законодавниот дом, Трајко Вељаноски, ќе ги распише изборите на 11 декември.
Претседателските избори во САД ќе се одржат на 8 ноември, а во трка за Белата куќа се поранешната државна секретарка, Хилари Клинтон, како кандидат на демократите, и милијардерот Доналд Трамп, кандидат на републиканците.
