!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Бејли: САД се разочарани, Иванов повторно да ја разгледа одлуката


       
Скопје, 2 март, 2017 - 11:26 (META) 

Американскиот амбасадор во Македонија, Џес Бејли, го повика претседателот на државата, Ѓорге Иванов, повторно да ја разгледа својата одлука, а соседите на Македонија да се воздржат од мешање и да покажат конструктивност.

– САД вчера беа разочарани кога дознаа дека претседателот Иванов одби да му го даде мандатот на претставникот на јасното политичко мнозинство и да му даде можност да формира влада. Сметаме дека ова не е конзистентно со основните демократски принципи и со владеењето на правото, кои се клучни вредности на НАТО. Како стратешки партнери на Македонија и како пријатели, со цела почит кон суверенитетот и кон унитарноста на Македонија, го повикуваме Иванов повторно да ја разгледа одлуката. Ги повикуваме соседите на Македонија да покажат воздржаност и да бидат конструктивни во овој момент на висока политичка сензитвност – рече Бејли.