!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Аргировски недомаќински троши 122.000 евра годишно, сметаат пензионерите


       
Охрид, 16 декември, 2016 - 12:30 (META) 

Претседателот на Сојузот на здруженијата на пензионери на Македонија (СЗПМ), Драги Аргировски, нема да ги замолчи тие што ја плаќаат членарината на Сојузот, во износ од околу 122.000 евра годишно, што тој недомаќински и себично ги троши.

Со ваква порака се обратија од Партијата на обединетите пензионери и граѓани на Македонија (ПОПГМ), прашувајќи врз основа на кој член од статутот на СЗПМ, Аргировски остварил соработка со една политичка партија и го потпишал меморандумот за соработка?

Оттаму бараат отчет, колку пари од СЗПМ, по сите основи, му се исплатени на Аргировски, само во 2016 година.