fbpx

Антикорупциска на одмор: Ако не смее да има смени, може ли да има интерпелации?

-

ВМРО-ДПМНЕ бара Собранието да ја прекине расправата и постапката за разрешување на јавниот обвинител Марко Зврлевски сè додека Државната комисија за спречување на корупцијата (ДКСК) не се изјасни дали тоа е според законот. Но, до тоа тешко може да дојде во следниве денови бидејќи членовите на комисијата се на колективен одмор, вели за „Мета“ лицето одговорно за односи со јавноста во Антикорупциска, од каде не можеа да кажат до кога ќе им трае одморот.

Пратениците на ВМРО-ДПМНЕ и на Коалицијата за подобра Македонија во вторникот поднесоа барање за мислење до Комисијата за спречување на корупцијата, велејќи дека сообраниската седница почната на 5 јули сè уште е во тек, што е во спротивност со член 8-а од Изборниот законик. Според тој член, од денот на донесувањето на одлуката за распишување избори не може да се почне со постапка за вработување нови лица или постапки за престанок на работен однос во државни и во јавни институции, а воедно почнатите постапки се ставаат во мирување, освен во случај на итни и неодложни работи, тврдат од ВМРО-ДПМНЕ. Пратениците велат дека точката за разрешување на Зврлевски не е „итна и неодложна“.

Иако во барањето до Комисијата за спречување на корупцијата наведуваат прекршување на членот 8-а од Изборниот законик за Зврлевски, тие во меѓувреме поднесоа барања за интерпелација на тројца министри. Интерпелацијата, исто така, подразбира смена, односно разрешување министер и назначување нов.

Координаторот на првата пратеничка група на ВМРО-ДПМНЕ, Илија Димовски, на прашањето дали не е контрадикторно да се тврди дека Зврлевски не може да биде сменет сега, а во исто време да се поднесуваат интерпелации, кусо ни одговори: „Интерпелацијата е уставна категорија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...