fbpx

„Амнести интернешнел“: СЈО продолжува да се соочува со притисоци

-

Специјалното јавно обвинителство кое беше назначено од Собранието во 2015 година да ја истражи вмешаноста на функционери во скандалот со прислушувањето и вмешаноста на политичари во криминал, продолжува да се соочува со притисоци во извршувањето на својата работа, стои во Извештајот на „Амнести интернешенел“ за состојбите со човековите права за 2016/2017 година.

– Во октомври (минатата година, н.з.) транзициониот парламент, го одби предлогот за продолжување на мандатот на СЈО, кој истекува во јуни 2017 година, за завршување на сите истраги, како и предлогот за подобар пристап до програмите за заштита на сведоци (барањето за измени на Законот за заштита на сведоци, н.з.) вклучени во истрагите на СЈО – се нотира во извештајот на АИ.

Во делот кој се однесува на Македонија, исто така е нотирана дискриминацијата на Ромите во земјава во остварувањето на основните прави и услуги. Во врска со мигрантската криза, АИ во извештајот наведува дека бегалците и мигрантите од страна на македонските власти рутински се враќаат назад во Грција, додека оние кои се затекнати во земјава, пред затворањето на границите, се сместени во неадекватни кампови и сместувачки центри за странци и за баратели на азил.

Извештајот, во кој се опфатени 159 земји, оценува дека човековите права во светот се загрозени поради политичарите, кои користат „отровна, и во најмала рака нехумана реторика“ против етничките или верските малцинства.

Генералниот секретар на организацијата со седиште во Лондон, Салил Шети, вели дека „стравот и подбуцнувањата создаваат раздори и поопасен свет“. Според него, говорот на омраза во светот го достиганал своето најлошо ниво во политиката уште од 1930-тите години и дека на 2017 година ѝ требаат херои во борбата против омразата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...