Амбасадата на САД загрижено праша: Има ли идеи за намалување на загадувањето?

Амбасадата на САД во Македонија денеска изрази загриженост поради големата загаденост на воздухот во Скопје и во земјава.

Во својата објава на социјалните мрежи „Фејсбук“ и „Твитер“ од aмбасадата прашаа „кои се вашите идеи за почист воздух во Македонија“.

„Загадувањето на воздухот во Скопје денеска беше толку големо што едвај можеше да се види амбасадата! Кои се вашите идеи за почист воздух во Македонија?“ напишаа од Амбасадата на САД на „Фејсбук“ и на „Твитер“.

#AirPollution in Skopje was so thick today, you could hardly see the embassy! What ideas do you have for cleaner air in #Macedonia? pic.twitter.com/7sFKJRkIm0

— U.S. Embassy North Macedonia (@USEmbassySkopje) December 14, 2017

Загриженост за енормната загаденост на воздухот изрази и амбасадорот на Холандија во земјава, Ваутер Пломп.

„Постои дилема: дали да се користи автомобил и да се придонесе на загадувањето или да се земе велосипед и тоа да се вдишува. Денеска за прв пат се обидов со маска“, напиша Пломп на „Твитер“.

There’s a dilemma: either using the car & contributing to pollution or taking the bike & inhaling it. Today I try first time with mask @NaTochak #ЧистВоздух pic.twitter.com/e6pPLXwOL4

— Wouter Plomp (@NLAmbPlomp) December 14, 2017