fbpx

Амбасадата на САД повика процесот на приговори за изборите да се одвива законски

-

Политичките партии треба да овозможат процесот на приговори за резултатите од предвремените парламентарни избори од 11 декември да се одвива во согласност со законот, изјавија од Амбасадата на САД, на прашањето на „Мета“ како ги коментираат синоќешните вербалните напади врз странски дипломати во Македонија, говорот на омраза и апелите за линч.

– Ова беа тесни избори и природно е што страстите се подигнаа. Ги охрабруваме сите партии да работат заедно и да го адресираат тоа што ги загрижува луѓето во Македонија и потребите на оваа земја. Се надеваме дека сите партии ќе овозможат процесирањето на приговорите да се подвива според законот, на фер, транспарентен и мирен начин – изјавија од Амбасадата на САД.

На синоќешниот протест на приврзаниците и на функционерите на ВМРО-ДПМНЕ, директорот на државниот архив, Филип Петровски, алудирајќи на американскиот амбасадор Џес Бејли, му порача да не провоцира.

– Тргни се од Македонија, немој да нè провоцираш повеќе, во Македонија победи македонскиот народ! Немој да ги закрвуваш односите на двете земји, и така си на заминување. Нема да си одиме додека не прогласите победа – рече вчеравечер Петровски.

Директорката на Комисијата за односи со верските заедници и религиозни групи, Валентина Божиновска, пак, употреби говор на омраза и го спореди собирот пред ДИК со „Ноќта на долгите ножевите“, настан во нацистичка Германија за време на кој приврзаниците на Адолф Хитлер извршија серија егзекуции на неистомисленици.

– Да ги поздравам бранителите, оваа вечер е вечер на ножевите, оваа вечер е вечер или на разумот или на лудилото на еден човек. На последниот македонски предавник Зоран Заев … Ќе се случи еден ден во кој ќе кажеме „елате браќа и сестри да се собереме и да тргнеме, да видиме кој ќе ни биде цар, а кој шпион…“ – рече Божиновска вчеравечер, обраќајки се кон насобраните пред просториите на ДИК.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...