Германската амбасада во Македонија денеска изрази сочувство за жртвите од поплавите.
„Амбасадата на Сојузна Република Германија ја изразува својата длабока жалост за жртвите од невремето на 06.08.2016 година. Нашите мисли и нашето сочувство се со жртвите, повредените и нивните семејства“, стои во соопштението од амбасадата.
Сочувство за загинатите и повредените изразија грчката амбасада во Македонија, амбасадорите на САД, Велика Британија и Холандија, Џес Бејли, Чарлс Гарет и Ваутер Пломп, евроамбасадорот Аиво Орав, еврокомесарот за проширување Јоханес Хан, како и Европската Унија.
