Милитантната група Џама исламија, разгранок на Ал Каеда во Југоисточна Азија, сакала да го убие папата Франциск за време на неговата посета на Филипини, пишува „Кориере дела сера“. Нападот требало да го изврши терористот познат под името Марван.
Тој требало да направи бомба и да ја актибира на 18 јануари додека папата минувал низ центарот на Манила, главниот град на Филипини.
Полицијата го спречила нападот, а Марван е убиен една недела подоцна во операција на специјалците. Тој бил пронајден во џунглата на островот Минданао, каде се криел од 2013 година. За него била распишана награда од пет милиони долари.
