Со учество од повеќе од 20.000 антифашисти од сите краеви на некогашна Југославија, во Босна и Херцеговина се одбележува 75-годишнината од познатиот Игманскиот марш против фашистичките освојувачи во Втората светска војна.
Меѓу другите, на настанот учествуваат и членови на Акцијашкиот клуб „Брег на младоста“ од Охрид.
Антифашистите го изодеа истиот пат кој пред седум и пол децении го поминале партизаните од Првата пролетерска бригада во екстремни зимски услови на температура од минус 32 Целзиусови степени, при што голем број од нив го загубија животот или останаа инвалиди.
На одбележувањето на 75-годишнината од Игманскиот марш, присуствувале делегации од Русија, Австрија и од антифашистички здруженија од Италија.
Учесниците го посетиле и забранетиот град, односно Титовиот бункер во Коњиц, кој денеска е туристичка атракција.
Од акцијалшкиот клуб „Брег на младоста“ велат дека и во иднина ќе ги поддржуваат ваквите манифестации. Членството во моментов е насочено кон афирмација на акцијаштвото помеѓу младите. Во него членуваат 200 волонтери. Приоритетен проект за 2017 година е чистење и регулација на реките во сливот на Охридското Езеро заради спречување поплави.
