This page was exported from Meta.mk [ http://meta.mk ]
Export date: Fri Nov 17 23:12:47 2017 / +0000 GMT

Ако е здравството во хаос, тоа не е од времето на Таравари




ВМРО-ДПМНЕ излезе со соопштение во врска со состојбите во здравството, земајќи ја како повод смртта на три новороденчиња од пред неколку дена во Клиниката за гинекологија и акушерство при Клиничкиот центар „Мајка Тереза“ од Скопје, која ја оценуваме како недоследна, пишува „Вистиномер“.

„Претставничка на ВМРО-ДПМНЕ, по повод смртта на три новороденчиња од пред неколку дена во универзитетската клиника во Скопје, даде изјава во име на партијата, во која се тврди дека тоа било резултат на неспособноста на новиот министер за здравство, Арбен Таравари, и на новата в.д. директорка на Клиниката. Во таа изјава има генерална оценка дека здравството било во хаос и оти ако има кај одговрните грам морал, ќе си поднеле оставка.

Оваа изјава ја оценуваме во најмала рака како недоследна, особено за тврдењето дека здравството било во хаос (откако дошол Таравари на негово чело – имплицитно наведување на читателот – з.а.).

Прво, станува збор за уште еден од бројните случаи на смрт на новороденчиња во Македонија и во оваа клиника, која е со најголем број породувања во државата од преку 8.000 годишно. Проблемот на новороденечката смртност е генерален проблем на здравствениот систем во Македонија кој трае повеќе од една деценија. На тоа алармираат и светските и домашните извештаи за овој проблем, а лани повторно се искачи на високо ниво. И тој негативен број варира од повеќе од 8 до 14 промили во период од над 13 години“, се вели во написот на „Вистиномер“.

(Целиот текст од „Вистиномер“ можете да го прочитате и да го преземете ТУКА)
Post date: 2017-08-31 11:53:46
Post date GMT: 2017-08-31 09:53:46
Post modified date: 2017-08-31 11:53:46
Post modified date GMT: 2017-08-31 09:53:46
Powered by [ Universal Post Manager ] plugin. HTML saving format developed by gVectors Team www.gVectors.com