fbpx

Ахмети ѝ се заблагодарил на американската администрација во Скопје и во Вашингтон

-

САД биле и ќе останат партнер на Албанците, на нашата земја и на регионот, затоа и нашата соработка со американските власти во Македонија и во САД ќе продолжи бидејќи беше плодна за сите, вели Али Ахмети, лидерот на ДУИ, по средбата со делегација на Атлантскиот совет од Вашингтон.

Во соопштението објавено на веб-страницата на ДУИ се вели дека темата на средбата била интеграцијата на Македонија во НАТО. Лидерот на ДУИ се заблагодарил на американската администрација во Вашингтон, како и на Амбасадата на САД во Скопје и ја нагласил улогата на тесната соработка за заедничката цел – демократско општество.

„Ја изразив мојата длабока благодарност за сите наши пријатели во меѓународната заедница, а особено ја истакнав големата и безрезервна поддршка за американската администрација во Скопје и во Вашингтон нагласувајќи ја клучната улога и нашата искрена и тесна соработка кон остварување на заедничката цел, демократско општество интегрирано во вредностите на евроатланската заедница“, рекол Ахмети, според соопштението на ДУИ.

Делегација на Атлантскиот совет од Вашингтон е во посета на регионот заради развивање на стратегија за решавање на заедничките предизвици кои ја отежнуваат евроатлантската интеграција и севкупниот просперитет.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...