fbpx

Ахмети по средбата со Рама: Рано е да се зборува за нова коалиција со Груевски

-

Лидерот на ДУИ, Али Ахмети, при вчерашната посета на Тирана имал средби со премиерот на Албанија, Еди Рама, со спикерот на албанскиот парламент, Илир Мета, и со претседателот на државата Бујар Нишани, јавува дописникот на „Мета“ од Тирана.

„Охридскиот договор, членството на Македонија во НАТО и во Европската Унија, економскиот развој и еднаквоста меѓу етничките заедници ќе бидат принципите врз основа на кои ние ќе се водиме во преговорите во иднина – изјави Ахмети за медиумите по средбите со албанскиот државен врв.

Тој додаде дека сè уште е рано да се зборува за нова коалиција со лидерот на ВМРО-ДПМНЕ, Никола Груевски.

Претходно неделава, веднаш по парламентатните избори во неделата, на средби со премиерот Еди Рама беа лидерите на Беса, Алијанса за Албанците и на ДПА, Билал Касами, Зијадин Села и Мендух Тачи.

Во медиумите два дена кружеа информации дека Ахмети ја откажал средбата со Рама, но тој вчера сепак допатува во Тирана на средби со државниот врв на Албанија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЕУ воведе санкции кон Русија поради смртта на Навални

Вчера Европската Унија одговори на смртта на рускиот опозиционер Алексеј Навални со нови санкции, јавува ДПА повикувајќи се на дипломатски извори. Санкциите претходно ги најави шефицата на германската дипломатија Аналена...