Лидерот на ДУИ, Али Ахмети, денеска во седиштето на партијата се сретнал со амбасадорот на САД во Македонија, Џес Бејли, со кого разговарал за патот на Македонија кон ЕУ и НАТО, за постизборната состојба и системските реформи, се вели во соопштението на партијата.
Ахмети истакнал дека односите со Атина и Софија добиваат многу конструктивна димензија и соработка во духот на надминување на пречките и споровите.
– ДУИ е целосно определена да ги поддржи и предводи реформите во судството, системските реформи заедно со владеењето на правото и сите наши енергии треба да се фокусираат во оваа насока, сега по завршувањето на изборите – изјавил Ахмети.