Палестинскиот претседател Махмуд Абас денеска го осуди нападот на синагогата во Ерусалим.
Во соопштеното на палестинскиот претседател ,се осудува убиството на „верниците за време на молитвата во синагогата“, како и „убиството на цивили без разлика на која страна се“.
Четири верници утринава се убиени при нападот на двајца Палестинци од источен Ерусалим. Напаѓачите се убиени при полициската интервенција.
Народниот фронт за ослободување на Палестина презеде одговорност за нападот во синагогата.
Израелскиот премиер Бенјамин Нетанјаху изјави дека Израел остро ќе одговори на нападот.
