Основното јавно обвинителство за гонење организиран криминал и корупција, во сопштение вели дека во согласност со своите овластувања ќе изврши проверки во врска со фактите и со околностите под кои материјалите од средбата помеѓу претседателот на Владата на Република Македонија, Никола Груевски, и лидерот на Социјалдемократскиот сојуз на Македонија, Зоран Заев, дошле до медиумите. Обвнителството побара од МВР да контактира со „Јутјуб“ за да ги отстрани видеоснимките од средбата Груевски – Заев.
„Јавното обвинителство на Република Македонија цени дека е неопходно да нагласи дека објавувањето на материјали коио може да станат предмет на натамошната кривична постапка е забрането и казниво со Закон.
Затоа, предупредуваме веднаш да запре објавувањето и емитувањето на ваквите материјали.
Основното јавно обвинителство за гонење организиран криминал и корупција упати барање до МВР на РМ да стапи во контакт со мрежата на која беше објавен материјалот за негово отстранување, како и за отстранување на сите слични материјали кои би се појавиле во иднина“, стои во оопштението.
„Мета“ денеска анализираше и дали медиумите смеат да ја објават „бомбата“ на Заев.