fbpx

Заев: Груевски и Мијалков со години следеле и прислушувале невладини организации

-

На денешната прес-конференција, лидерот на СДСМ, Зоран Заев, изјави дека Никола Груевски и Сашо Мијалков со години следеле и прислушувале многу невладини организации. Тој рече дека меѓу прислушуваните биле: Инфоцентар, „Цивил“, Институт „Отворено општество-Македонија“, „Ајде“, Форум-центар, Македонски центар зе европско образование, Фондацијата „Метаморфозис“.

– Преку следењето на најчувствителниот сектор, невладиониот сектор, Груевски ги загрозил основните човекови права. Проктот „Вистината на Македонија“ покажа дека нема место каде Груевски не прислушувал. Груевски и неговите моќници се одржувале на власт со скандалот со прислушување. Така елиминирал сè што му стоело на патот. Така и ги кроел своите политики – изјави Заев.

Заев им ги подели папките на претставниците на НВО-секторот кои биле прислушувани и рече дека нема да објавува разговори од нив затоа што со тоа би ги загрозил човековите права.

Тој најави дека сигурно ќе оди во Брисел, но рече дека не е сè договорено затоа што ако не се преговара за тоа каква влада ќе ја води земјава до изборите, ништо од претходно договореното нема да важи.

– За нас е неприфатливо владата да ја води Никола Груевски – изјави Заев.

Тој, исто така, рече дека очекува изјава од еврокомесарот Јоханес Хан, кој ќе излезе со заклучоците за изборните слабости од ОБСЕ/ОДИХР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК нема да може сама да се справи со евентуални кибер напади и дезинформации

Кибер напади, дезинформации, логистички пречки - овие ризици се закана за кредибилитетот на изборните процеси, истакна денеска првиот човек на Државната изборна комисија (ДИК), Александар Даштевски. На денешната панел...