fbpx

Груевски: Специјален обвинител мора да се избере

-

„Договорот од 2 јуни, како и протоколот од 15 јули, мора целосно и да се спроведат и да завршат со парламентарни избори на 24 април идната година, по кои никој нема да може да има алиби и да не ги признава резултатите. Доста ѝ е на Македонија од бојкоти и од политичари кои немаат доблест да излезат пред нивната партија и пред народот и да признаат пораз“. Ова денеска го истакна премиерот Никола Груевски во своето обраќање по повод Денот на независноста, додавајќи дека реформите што ги договориле партиите мора да ги завршат навреме и квалитетно.

– Државата со нив треба да се придвижи напред и да воведе повисоки стандарди во различни области. Договорот за избор на специјален јавен обвинител треба да се реализира онака како што е договорен, без додавање или одземање. Тој обвинител треба да биде автономен и да има доволен број стручни и технички соработници, истражители и целокупната потребна логистика од човечки ресурси, средства за покривање на трошоците и техничка логистика, во смисла на канцеларии, возила и слично. Тој не смее да биде на никаков начин попречуван во неговата работа, ниту, пак, под внатрешни или надворешни влијанија. Треба чесно да си ја изработи својата работа и да донесе непристрасни одлуки – истакна премиерот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...