Десет лица загинаа, 47 се повредени, а 39 се хоспитализирани во експлозија во метрото во Санкт Петербург за која руските власти велат дека можно е да станува збор за тероризам.
Детонацијата ја предизвикала импровизирана експлозивна направа наполнета со шрапнели, а била поставена во еден вагон на метрото помеѓу две седишта. Помеѓу повредените има и деца.
Иако првично беше соопштено дека имало две детонации во два вагона, властите велат дека станува збор за една експлозија.
В Питере взрыв в метро pic.twitter.com/HZvq7tqwXd
— Philipp Kireev (@mynameisphiIipp) April 3, 2017
Руски специјалци малку подоцна, на непозната локација во евакуираното метро пронашле уште една направа која успешно ја деактивирале.
Полицијата ги истражува наводите дека едно момче влегло во вагон, оставило актовка, а потоа со рацете ја отворил вратата и излегол од вагонот.
Во метрото првобитно затворени биле осум станици на сината линија, и извршена била итна евакуација, а потоа властите одлучија целосно да го затворат овој вид на транспорт.
Портпаролот на Кремљ, Димитриј Песков рече дека рускиот претседател Владимир Путин, кој престојувал во Санкт Петербург, бил известен за инцидентот.
Путин разговарал со шефовите на безбедносните служби и соопшти дека се разгледуваат сите опции.
В Петербурге на станции "Технологический институт" произошёл взрыв в вагоне метро. pic.twitter.com/vx3PoLbCgJ
— Лентач (@the_lentach) April 3, 2017
На местото на експлозијата пристигнале десетина екипи на итна помош и пожарникари, а градот го надлетуваат хеликоптери кои повредените ги пренесуваат од најблиските болници.
Канцеларијата на обвинителот соопшти дека е покрената истрага за нападот. Додатни мерки на обезбедување се воведени и на аеродромот во Санкт Петербург.
